Asəf Çopurov UFC ilə müqavilə imzalayıb

Azərbaycan əsilli MMA döyüşçüsü Asəf Çopurov UFC ilə rəsmi müqavilə imzalayıb.

Apasport.az xəbər verir ki, 24 yaşlı döyüşçü karyerasını dünyanın ən nüfuzlu MMA təşkilatında davam etdirəcək.

Müqavilənin neçə döyüşlük olduğu hələ açıqlanmayıb.

Çopurov peşəkar MMA karyerasında keçirdiyi 11 döyüşün hamısında qələbə qazanıb.

O, son döyüşündə “UAE Warriors 72” turnirində Riz Maklareni ilk raundda 1 dəqiqə 3 saniyəyə nokaut edərək çempionluq kəmərini qoruyub.