“Fənərbaxça”da ayrılıq - VƏTƏNİNƏ QAYITDI

“Fənərbaxça” braziliyalı yarımmüdafiəçi Fredlə yollarını ayırıb.

Apasport.az xəbər verir ki, İstanbul klubu 33 yaşlı futbolçunun müqaviləsinə qarşılıqlı razılıq əsasında xitam verib.

“Sarı-lacivərdlilər” bəyanı Türkiyə Futbol Federasiyasına (TFF) bildirib.

2023-cü ilin avqustunda “Mançester Yunayted”dən “Fənərbaxça”ya transfer olunan yarımmüdafiəçi İstanbul təmsilçisinin heyətində 129 matça çıxıb. O, bu görüşlərdə 12 qol vurub və 21 məhsuldar ötürmə edib.

Qeyd edək ki, Fred karyerasını vətənində davam etdirəcək. Braziliyalı futbolçu “Atletiko Mineyro”ya keçib.