Suçiç qolunu vurdu - Matçın ən yaxşısı seçildi

Xorvatiya millisinin futbolçusu Petar Suçiç fərdi mükafata layiq görülüb.

Apasport.az xəbər verir ki, FIFA onu DÇ-2026-nın L qrupunda Qanaya qarşı keçirilən görüşün ən yaxşı futbolçusu seçib.

Suçiç Xorvatiyanın 2:1 hesablı qələbəsində komandasının ilk qolunu vurub. O, qarşılaşmanı 8,1 reytinq balı ilə başa vurub.

Qeyd edək ki, Xorvatiya bu nəticə ilə L qrupunu 2-ci pillədə başa vuraraq 1/16 finala yüksəlib.