Lekler: Monzadan sonra yaranan səs-küy həddindən artıq çoxdur

Şarl Lekler ətrafında qaldırılan səs-küydən narazıdır. Söhbət İtaliya Qran Prisinin ilk dövrəsində Ferrari sürücülərinin trasda yeri bölüşə bilmədiyi kiçik insidentdən gedir. Həmin epizodda Lyuis Həmilton komanda yoldaşını 1-ci döngədə keçmək istəyirdi, lakin yeddiqat dünya çempionunun hücumundan müdafiə olunan o biri sürücü kifayət qədər aqressiv davrandı. Bundan sonra britaniyalı radio ilə komandaya Leklerin onu trasdan kənara sıxışdırdığını bildirdi.