“Sabah”ın oyunu ilə əlaqədar metronun iş rejimi gücləndiriləcək

UEFA Çempionlar Liqasında təmsilçimiz “Sabah”ın növbəti matçı ilə əlaqədar oktyabrın 20-də Bakı metropolitenində xüsusi iş rejimi tətbiq olunacaq.

Apasport.az xəbər verir ki, “Koroğlu” stansiyasının yaxınlığında yerləşən Bakı Olimpiya Stadionunda keçiriləcək oyuna azarkeşlərin daha rahat gediş-gəlişini təmin etmək məqsədilə Qırmızı xətt gücləndirilmiş qrafikdə çalışacaq.

Stansiyaya əlavə işçi qüvvəsi cəlb edilməklə növbətçilik cədvəli tərtib olunacaq, nəzarət mexanizmləri gücləndiriləcək.

Qarşılaşma başa çatdıqdan sonra azarkeşlərin mənzilbaşına rahat çatması üçün zərurət olarsa, ehtiyat qatarlar xəttə buraxılacaq.

Yaşıl və Bənövşəyi xətlərdə qatarların hərəkət qrafikində dəyişiklik edilməyəcək.