“Lev Yaşin” mükafatının qalibi bəlli olub

İspaniya millisi və “Atletik”in qapıçısı Unay Simon ilin ən yaxşı qolkiperinə verilən "Lev Yaşin" mükafatına layiq görülüb.

Apasport.az xəbər verir ki, 29 yaşlı qapıçı bu mükafatı “France Football” nəşrinin təşkil etdiyi “Qızıl top” mərasimində qazanıb.

Simon səsvermədə Yassin Bunu (“Əl-Hilal”, Mərakeş millisi), Tibo Kurtua (“Real”, Belçika millisi), Qreqor Kobel (“Borussiya” Dortmund, İsveçrə millisi), Xoan Qarsiya (“Barselona”, İspaniya millisi), Eduar Mendi (“Əl-Əhli”, Seneqal millisi), Emiliano Martines (“Aston Villa”/“Çelsi”, Argentina millisi), David Raya (“Arsenal”, İspaniya millisi), Vozinyo (“Kolo-Kolo”, Kabo-Verde millisi) və Matvey Safonovu (PSJ, Rusiya millisi) qabaqlayıb.