Azərbaycan atleti Avropa birinciliyində 2 medal qazanıb

Azərbaycan atleti Nuray Əbilova Avropa birinciliyində 2 medal qazanıb.

Apasport.az xəbər verir ki, İslam Həmrəyliyi Oyunlarının bürünc medalçısı Kosovonun Priştina şəhərində keçirilən U-15 və yeniyetmələr arasında Avropa birinciliyində uğurla çıxış edib.

Nuray Əbilova birdən qaldırma hərəkətində 70 kq nəticə göstərib. O, təkanla qaldırma hərəkətində 85 kq çəkinin öhdəsindən gələrək bürünc medal qazanıb.

Atletimiz toplam 155 kq nəticə ilə bu növdə də üçüncü yeri tutaraq ikinci bürünc medalını əldə edib.