Vlahoviç het-trik etdi, “Beşiktaş” 3 xalı 6 qolla qazandı

Türkiyə Super Liqasında III tura yekun vurulub.

Apasport.az xəbər verir ki, turun son oyun günündə iki qarşılaşma keçirilib.

“Beşiktaş” öz meydanında “Çorum”u qəbul edib. Səkkiz qolun vurulduğu qarşılaşma “qara qartallar”ın 6:2 hesablı qələbəsi ilə başa çatıb.

İstanbul təmsilçisinin heyətində Duşan Vlahoviç het-trik edib. Komandanın digər qollarını Vaslav Çerni, İlhan Fakılı və Amir Murilyo vurublar.

Turun digər matçında isə “Trabzonspor” səfərdə “Amedspor”la qarşılaşıb. Gərgin keçən görüşdə sevinən tərəf ev sahibləri olub - 2:1.