"Zaqatala" baş məşqçisi ilə yollarını ayırdı – 9 illik yolun sonu

"Zaqatala" klubu baş məşqçi Rüstəm Məmmədovla yollarını ayırıb.

Apasport.az xəbər verir ki, bu barədə I Liqa təmsilçisinin mətbuat xidməti məlumat yayıb.

Bildirilib ki, tərəflər arasında müqavilənin müddəti başa çatıb və qarşılıqlı razılıq əsasında yenilənməyib.

Rüstəm Məmmədov 9 il ərzində "Zaqatala"da çalışıb. Onun rəhbərliyi altında komanda Azərbaycan I Liqasının gümüş və bürünc mükafatlarını, həmçinin Heydər Əliyev Kubokunun bürünc medallarını qazanıb.

"Zaqatala" klubu paylaşımında Rüstəm Məmmədova göstərdiyi xidmətlərə görə təşəkkür edib, gələcək fəaliyyətində uğurlar arzulayıb.