“Kəpəz”in futbolçusu Moldova millisinə dəvət alıb

“Kəpəz”in yarımmüdafiəçisi Viktor Stina Moldova milli komandasına dəvət alıb.

Apasport.az xəbər verir ki, bununla bağlı Gəncə klubuna Moldova Futbol Federasiyasından rəsmi məktub daxil olub.

28 yaşlı futbolçu sentyabrın 20-də Misli Premyer Liqasının VI turunda “Sumqayıt”la keçiriləcək oyundan sonra milli komandanın düşərgəsinə yollanacaq.

Stina Moldova millisinin heyətində UEFA Millətlər Liqasının K qrupunda Slovakiya (26 sentyabr və 6 oktyabr), Farer adaları (29 sentyabr) və Qazaxıstan (2 oktyabr) ilə oyunlarda iştirak edə bilər.

Qeyd edək ki, cari mövsüm “Kəpəz”in heyətində 2 qol vuran Viktor Stina Moldova millisində 30 matç keçirib və 4 qola imza atıb.