Əvvəl şillə, sonra 10:0 – Tsarukyandan qalmaqallı qələbə - VİDEO

UFC döyüşçüsü Arman Tsarukyan amerikalı Dillon Denislə qarşılaşmada inamlı qələbə qazanıb.

Apasport.az xəbər verir ki, tərəflər Las-Veqasda keçirilən RAF 14 turnirində sərbəst güləş qaydaları üzrə üz-üzə gəliblər.

Tsarukyan rəqibini cəmi bir dəqiqə ərzində 10:0 hesabı ilə məğlub edərək texniki üstünlüklə qalib gəlib. Bu qələbə ilə o, RAF-ın yeni çempionu olub.

Qarşılaşma qalmaqallı hadisələrlə də yadda qalıb. Görüşün əvvəlində Denisə şillə vuran Tsarukyan qələbədən sonra ayağa qalxmağa çalışan rəqibinin sinəsinə ayağı ilə basıb.

Hadisəyə mühafizəçilər müdaxilə ediblər.

Buna baxmayaraq, Denis qarşılıq verməyib və daha sonra rəqibinin əlini sıxıb.

Qeyd edək ki, döyüşdən əvvəl keçirilən mətbuat konfransında da tərəflər arasında gərginlik yaşanıb.

Denisin Xəmzət Çimayevi təhqir edən köynək geyinməsi kütləvi davaya səbəb olub.