“O, bizimlə yola davam edəcək”

“Atletiko”nun prezidenti Enrike Sereso komandanın hücumçusu Yulian Alvaresin taleyi ilə bağlı açıqlama verib.

Apasport.az xəbər verir ki, o, forvardın komandada qalacağını bildirib:

“Alvares bizim oyunçumuzdur və yeni mövsümdə də “Atletiko”da qalacaq. Bununla bağlı suallar eşitmək istəmirəm. Təkrarlayıram, o, bizimlə yola davam edəcək”.

Argentinalı futbolçu bir müddət əvvəl verdiyi açıqlamada klubdan ayrılmaq istədiyini demişdi. “Barselona” Alvareslə yaxından maraqlanır.