“Marafon” Türkiyədə ardıcıl üçüncü məğlubiyyətini aldı

Azərbaycanın “Marafon” çimərlik futbolu komandası Türkiyədə keçirilən “World Winners Cup Alanya 2026” turnirində növbəti oyununa çıxıb.

Apasport.az xəbər verir ki, F qrupunda mübarizə aparan təmsilçimiz üçüncü turda Bolqarıstanın “Spartak” klubu ilə qarşılaşıb.

Görüşün əsas vaxtı 4:4 hesabı ilə başa çatıb. Penaltilər seriyasında 3:1 hesabı ilə üstün olan Bolqarıstan təmsilçisi qələbə qazanıb.

Bununla da “Marafon” turnirdə ardıcıl üçüncü məğlubiyyətini alıb.

Qeyd edək ki, Azərbaycan klubu ilk turda Çinin TMS komandasına 2:4, ikinci görüşdə isə Ukraynanın “Sunrise” (Kiyev) kollektivinə 6:8 hesabı ilə uduzub.