"Liverpul"dan 100 milyon avroluq təklif - Barkola keçidə razıdır

"Liverpul" PSJ-nin hücumçusu Bredli Barkolanın transferi üçün rəsmi danışıqlara başlayıb.

Apasport.az xəbər verir ki, bu barədə insayder Fabritsio Romano məlumat yayıb.

İngiltərə klubu 100 milyon avrodan çox ilkin təklif irəli sürüb. Lakin bu məbləğ Paris təmsilçisinin tələbindən xeyli aşağıdır.

Bildirilib ki, Barkola "Liverpul"a keçməkdə maraqlıdır.

Qeyd edək ki, 23 yaşlı hücumçu ötən mövsüm PSJ-nin heyətində bütün turnirlərdə 49 oyuna çıxıb, 13 qol vurub və 7 məhsuldar ötürmə edib.