"Real" Ferran Torresi istəyir – "Barselona" qiyməti açıqladı

"Real" "Barselona"nın hücumçusu Ferran Torresi transfer etməkdə maraqlıdır.

Apasport.az xəbər verir ki, bu barədə Fransanın L'Equipe nəşri məlumat yayıb.

Mənbənin iddiasına görə, Madrid təmsilçisi 25 yaşlı ispaniyalı futbolçunun durumunu yaxından izləyir. PSJ-nin də maraq dairəsində olan Ferran Torres üçün "Barselona" 50 milyon avro tələb edir.

Qeyd edək ki, Ferran Torres 2022-ci ilin yanvarında "Mançester Siti"dən "Barselona"ya transfer olunub. Onun Kataloniya klubu ilə müqaviləsinin müddəti 2027-ci ilin yayına qədərdir.