Azərbaycan badmintonçuları beynəlxalq turnirdə 17 medal qazandı

Azərbaycanın uşaq və yeniyetmə badmintonçuları Gürcüstanın Batumi şəhərində keçirilən “Batumi Cup Youth International 2026” beynəlxalq turnirində uğurlu nəticə göstəriblər.

Apasport.az xəbər verir ki, badmintonçularımız üç yaş kateqoriyasında ümumilikdə 5 qızıl, 4 gümüş və 8 bürünc medal qazanıblar.

Qızıl medallara Murad Qarayev – Aidə Qurbanova (U11 qarışıq qoşa), Murad Qarayev – Doğan Ayan (Türkiyə) (U11 oğlanlar qoşa), İsmayıl Qarayev – Zülfüqar Kərimli (U13 oğlanlar qoşa), Ömər Mehdi (U15 oğlanlar fərdi) və Yusif Kamalov – Ömər Mehdi (U15 oğlanlar qoşa) sahib çıxıblar.

Gümüş medalları Murad Qarayev (U11 oğlanlar fərdi), Yusif Kamalov (U15 oğlanlar fərdi), Banu İbrahimli (U15 qızlar fərdi) və Ömər Mehdi – Ayla Zeynalova (U15 qarışıq qoşa) qazanıb.

Bürünc medallara isə Aidə Qurbanova – Melis Demir (Türkiyə) (U11 qızlar qoşa), İsmayıl Qarayev, Zülfüqar Kərimli (U13 oğlanlar fərdi), Dəniz Əhmədli, Lalə İsmayılova (U13 qızlar fərdi), Zülfüqar Kərimli – Dəniz Əhmədli, İsmayıl Qarayev – Lalə İsmayılova (U13 qarışıq qoşa) və Dəniz Əhmədli – Lalə İsmayılova (U13 qızlar qoşa) yiyələniblər.