"Latsio"da yeni müqavilə

İtaliyanın “Latsio” klubu müdafiəçisi Romano Florian Mussolini ilə müqavilənin müddətini uzadıb.

Apasport.az xəbər verir ki, bu barədə Roma təmsilçisinin rəsmi saytı məlumat yayıb.

23 yaşlı futbolçu ilə 2031-ci ilin yayına qədər nəzərdə tutulan yeni müqavilə imzalanıb. Onun əvvəlki sözləşməsi 2028-ci ilin yayında başa çatmalı idi.

İkinci Dünya müharibəsi dövründə İtaliyaya rəhbərlik etmiş Benito Mussolininin nəticəsi olan Romano cari mövsümdə əsas heyətin üzvlərindən birinə çevrilib. Müdafiəçi keçirdiyi 11 oyunda 1 qol vurub.

Qeyd edək ki, Romano Florian Mussolini 2003-cü il yanvarın 27-də anadan olub.