“Neftçi” qələbə axtarışında - YENİLƏNİR

“Neftçi” basketbol komandası bu gün FIBA Avropa Kubokunun qrup mərhələsində növbəti oyununu keçirəcək.

Apasport.az xəbər verir ki, paytaxt təmsilçisi H qrupunun VI turunda Yunanıstanın “Mikonos” klubunu qəbul edəcək.

Milli Gimnastika Arenasında baş tutacaq qarşılaşma saat 20:00-da başlayacaq.

Qrup mərhələsində keçirdiyi beş oyunun hamısında məğlub olan “Neftçi” 6-cı, sonuncu pillədə qərarlaşıb. Azərbaycan təmsilçisi Yunanıstan klubu ilə görüşdə ilk qələbəsini qazanmağa çalışacaq.

Qeyd edək ki, “Neftçi” növbəti matçını noyabrın 18-də Latviyanın VEF “Riqa” komandasına qarşı keçirəcək.